erekle_dzegli

ერეკლე მეორემ ლაშქრობაში მონაწილეობა პირველად 12 წლის ასაკში მიიღო.

vaxtangVI

პირველი წიგნი, რომელიც ვახტანგ მეექვსემ სტამბაში დაბეჭდა, სახარება იყო.

erekle

ერეკლე მეორე თელავში, თავის სასახლეში იმ ოთახში გარდაიცვალა, სადაც დაიბადა.

cereteli

აკაკი წერეთელს უყვარდა ბანქოს თამაში, თუმცა თითქმის ყოველთვის აგებდა.

agmashenebeli

დავით აღმაშენებელი ერთხელ ლაშქრობის დროს წიგნის კითხვით ისე გაერთო, რომ ჯარს ბრძოლის დაწყების ნიშანი ვეღარ მისცა.

xandzteli

გრიგოლ ხანძთელმა 102 წელი იცოცხლა.

giorgiI

გიორგი პირველი 12 წლის ასაკში მართავდა საქართველოს.

sulxan_saba

სულხან-საბა ორბელიანი ლექსიკონზე “სიტყვის კონა” 33 წლის განმავლობაში მუშაობდა.

აკაკი წერეთელმა ლექსი “ცა-ფირუზ, ხმელეთ-ზურმუხტო” დიმიტრი ყიფიანს მიუძღვნა.

mama andria1966 წლის 3 აპრილს დაბადებული პაატა ყურაშვილი 1992 წლის 3 აპრილს მამა ანდრიას სახელით ბერად აღიკვეცა.

1 2 3 4 5 6 7 8 9 10
« ბიოგრაფიები / გიორგი გეგეჭკორი (1923-2003)

გიორგი გეგეჭკორი (1923-2003)
ბიოგრაფია
| | ბიოგრაფიას გაეცნო: (4089)

მსახიობი,  სახალხო არტისტი.

თეატრალური ინსტიტუტის დამთავრებისთანავე მუშაობა დაიწყო რუსთაველის სახელობის თეატრში, სადაც 120-მდე როლი შეასრულა. განსაკუთრებით მნიშვნელოვანი იყო მიხეილ მრევლიშვილის პიესაში „ბედი მგოსნისა“  განსახიერებული ნიკოლოზ ბარათაშვილის როლი. სპექტაკლი დიდხანს არ ჩამოსულა სცენიდან და საოცარი პოპულარობა მოუტანა გოგი გეგეჭკორს. შემდეგ იყო დონ სეზარი („დონ სეზარ დე ბაზანი“), მგელი („ჭინჭრაქა“), ჰამლეტი, გლოსტერი, ბაკინგემი („ჰამლეტი“, „მეფე ლირი“, „რიჩარდ მესამე“). ნოდარ დუმბაძის „საბრალდებო დასკვნაში“ ტიგრან გულოიანის როლი ხუთასზე მეტჯერ ითამაშა. კლდიაშვილის „სამანიშვილის დედინაცვალს“, სადაც გოგი გეგეჭკორი პლატონ სამანიშვილის როლს ასრულებდა, საეტაპო მნიშვნელობა ჰქონდა რუსთაველის თეატრისათვის და უცხოეთის რამდენიმე ქვეყანაშიც წარმატებით წარმოადგინეს.

კინოში 50-მდე როლი შეასრულა: „ჭრიჭინა“, „აბეზარა“, „წარსული ზაფხული“, „არდადეგები“, „ნატვრის ხე“, „ბათა ქექია“, „წიგნი ფიცისა“. იწვევდნენ საბჭოთა კავშირის  კინოსტუდიებშიც.


გოგი  გეგეჭკორი გამოირჩეოდა ქართულ და რუსულ ენაზე დახვეწილი მეტყველებით, უნარით ზუსტად, ზოგჯერ ფარული ირონიით, გროტესკით, ტრაგიზმითა თუ  სევდით, გადმოეცა სათქმელი და მიიჩნეოდა მხატვრული თუ საავტორო ტექსტის საუკეთესო მკითხველად.

მდიდარ არტისტულ თვისებებსა და მაღალ პროფესიონალიზმთან  ერთად, გოგი გეგეჭკორი აღიარებული იყო, როგორც პიროვნულად თავმდაბალი, ინტელექტუალური  შემოქმედი.

დაკრძალულია დიდუბის მწერალთა და საზოგადო მოღვაწეთა პანთეონში.


2015 წელი - იანვარი
ორ სამ ოთხ ხუთ პარ შაბ კვ
   1234
567891011
12131415161718
19202122232425
262728293031